မြေရှားတဲ့ စင်ကာပူမှာ ဘန်ဂလို အိမ်ချည်းသက်သက် ရှားပါးပစ္စည်းတွေမပါ အမေရိကန်ဒေါ်လာ ၄၅ သန်း


01 January, 2020

မြေရှားသည့် စင်ကာပူတွင် ခြံဝင်းကျယ် သစ်ပင်အုပ်နောက်ကွယ်မှာ ဆောက်ထားသည့် ခန်းနားထည်ဝါသော ကိုယ်ပိုင်အိမ်များ ၂၅၀၀ ခန့် ရှိပါတယ်။

ဘဝမှာ ငွေပိုငွေလျှံတွေ တစ်သက်သုံးမကုန်မှသာ ဝယ်ပြီးနေသင့်တဲ့ ဘန်ဂလိုတွေလို့ ဆိုရမှာ ဖြစ်သော်လည်း ရင်းနှီးမြှုပ်နှံမှုအဖြစ် ဝယ်ယူကြတာတွေလည်း ရှိနေပါတယ်။ ယခုနှစ်ရဲ့ ပထမ ၅ လအတွင်းမှာ ဘန်ဂလို ၅ ခု ရောင်းထွက်ခဲ့ပါတယ်။

စင်ကာပူဒေါ်လာ ၆၃ သန်း (အမေရိကန်ဒေါ်လာ ၄၅ သန်း)ဖြင့် ရောင်းလိုက်တဲ့ ဘန်ဂလိုဟာ ဘတ်စကက်ဘော ကစားကွင်း ၅ ကွင်းစာလောက် အကျယ်အဝန်းဖြစ်တဲ့ စတုရန်းပေ ၂၆ ၀၀၀ ခြံဝင်းထဲမှာ တည်ဆောက်ထားပါတယ်။

ဘန်ဂလိုမှာ ရေကူးကန် ပါပြီး ကန်စပ်မှာ အလေးချိန် ၁၅ တန်စီ ရှိတဲ့ ခြင်္သေ့ကျောက်ရုပ်တု နှစ်ခု ရှိနေတယ်။ အိမ်အပြင်နံရံတွေကို ရာစုနှစ်များ ကြာခဲ့ပြီဖြစ်တဲ့ မာဘယ်ကျောက်ပြားတွေနဲ့ အလှဆင်ထားပြီး တရုတ်ပြည်မှ သယ်ဆောင်လာခဲ့တဲ့ ကျောက်ပြားတွေ ဖြစ်ပါတယ်၊ 

လက်ဖက်ရည်ကြမ်း အေးအေးလူလူ ထိုင်သောက်ဖို့အခန်းထဲမှာ ရှေးဟောင်း ခရားတွေ ရှိနေပြီး တစ်ခုကို အမေရိကန်ဒေါ်လာ ၇ ၀၀၀ တန်ဖိုး ရှိပါတယ်။

အိမ်ရောင်းလိုက်တဲ့ ဒေါ်လာ ၆၃ သန်းက အိမ်ချည်းသက်သက်အတွက်သာဖြစ်ပြီး အိမ်ထဲမှာ ရှေးအသုံးအဆောင်ပစ္စည်းတွေ ခုရေ ၅၀၀ ဝန်းကျင်ရှိနေတာကို လိုချင်ရင် ကျသင့်သလောက် ထပ်ဆောင်းပြီး ပေးချေရမှာ ဖြစ်ပါတယ်။ အဲဒီအတွက် သိန်းရာဂဏန်းအထိ ပေးရနိုင်ဖွယ် ရှိပါတယ်။ အိမ်တစ်လုံး ဆိုတာထက် ပြတိုက်ငယ် တစ်ခုလိုမျိုး ဖြစ်နေတယ်။ 

Global Read 64 times