တန်ဖိုးနည်းအိမ်ရာများသည် အတိုးနှုန်းဖြင့် တွက်ကြည့်ပါက တိုက်ခန်းတစ်ခန်းလျှင် မူရင်းရောင်းဈေးထက် များစွာကြီးမြင့်သွားခြင်းကြောင့်
အတိုးမပါဘဲ ရောင်းချနိုင်မည့်နည်းလမ်းကို ရှာဖွေနေကြောင်း ဆောက်လုပ်ရေး ဒုတိယဝန်ကြီး မှ ပြောကြားသည်။
လက်ရှိတွင် ဆောက်လုပ်ပြီးစီးသော တိုက်ခန်းများကို ကျပ်သိန်း ၁၂ဝ ဖြင့် ၁၅ နှစ် အရစ်ကျစနစ်ဖြင့် ရောင်းမည်ဆိုပါက အတိုးနှုန်း ၁၃ ကျပ်နီးပါးဖြင့်တွက်လျှင် ကျပ်သိန်း ၂၇ဝ ခန်
့ ဖြစ်သွားမည်ဖြစ်သောကြောင့် ပြည်သူစိတ်ဝင်စားမှုမရှိသည့် အခြေအနေကို ရင်ဆိုင်နေရကြောင်း ၎င်းကဆိုသည်။
နေပြည်တော်ရှိ ပြန်ကြားရေးဝန်ကြီးဌာနတွင် အစိုးရ ၂ နှစ်ပြည့် လုပ်ငန်းဆောင်ရွက်ချက်ကို ရှင်းလင်းပြောကြားရာတွင် သတင်းထောက်များကို ၎င်းက ရှင်းပြခဲ့ခြင်း ဖြစ်သည်။
“အတိုးကို တစ်ခုခုက ကျခံလိုက်လို့ရှိရင် သိန်းတစ်ရာတန်အခန်းသည် တစ်ရာနဲ့ပဲရောင်းရမယ်။ ဥပမာ - ၁၅ နှစ် ပြည့်ရင်လည်း ၁ဝဝ ပဲ ဖြစ်အောင် နည်းလမ်းရှာဖွေနေသည်” ဟု ၎င်းက ပြောသည်။
အိမ်ရာကဏ္ဍအနေနှင့် ၂၀၃၀ ခုနှစ်အထိ အိမ်ရာပေါင်း ၁ သန်း ဆောက်လုပ်ရန်ရှိပြီး ယခုအစိုးရ ၂ နှစ်တာကာလ အတွင်း၌လည်း အိမ်ရာ ၁ဝ,၉၂၄ ခန်း ဆောက်လုပ်ရာတွင်
ရာနှုန်းပြည့်ပြီးသည့် အခန်း ၅၇၄၈ ခန်း ရှိနေပြီဖြစ်ကြောင်း၊ ၅၁၇၆ ခန်းမှာလည်း ၇ဝ ရာခိုင်နှုန်း ပြီးစီးနေပြီဖြစ်ကြောင်း ၎င်းကဆိုသည်။
ယင်းအပြင် ကျန်ရှိနေသည့် အစိုးရ သက်တမ်း ၃ နှစ်တွင် အခန်းပေါင်း ၈ဝဝဝ ကျော်ဆောက်လုပ်မည်ဖြစ်ပြီး PPP စနစ်ဖြင့် ဌာနမှ အခန်း ၄ဝဝဝ ကျော်နှင့် ကုမ္ပဏီများဘက်မှ
အခန်းပေါင်း ၆ဝဝဝ ကျော်ဆောက်လုပ်ရန် ဆောင်ရွက်ထားကြောင်း သိရသည်။
