တရုတ်နိုင်ငံ ရှန်ဟိုင်းမြို့ ပုတုန့် ခရိုင်တွင် ပြဇာတ်ရုံကြီးတစ်ခုကို လေယာဉ် တင်သင်္ဘော ကြီးပုံစံနှင့် ထပ်တူ ပုံဖော်တည်ဆောက်ထားသည်။
အရှည် ၃၂၈ ပေရှိပြီး အမြင့် ၃၂ပေ ရှိသော လေယာဉ်တင်သင်္ဘောပုံစံပြဇာတ်ရုံကြီး ဖြစ်ပြီးပြဇာတ်ရုံခေါင်မိုးပေါ်တွင် လေယာဉ်ပေါ်ကအတိုင်း ပုံစံတူ စစ်လက်နက်အတုများဖန်တီးပုံဖော်ထည့်သွင်းထားသည်။
ကန်ကြီးတစ်ခုထဲတွင် ဆိုက်ကပ်ထားသည့်သင်္ဘောကြီးပုံစံဖန်တီးထားခဲ့ခြင်းဖြစ်ပြီး Oriental ဥယျာဉ်ကြီး၏ အမျိုးသားကာကွယ်ရေးနယ်မြေထဲတွင် တည်ဆောက်ထားခဲ့ခြင်းဖြစ်သည်။
တရုတ်နိုင်ငံ စစ်တပ်၏ ပြတိုက်အဖြစ်လည်း ဖွင့်လှစ်ထားသော ထို ကွန်ကရစ်အဆောက်အအုံကြီး၏ ခေါင်မိုးထက်တွင် နေရောင်ခြည်စွမ်းအင် သိုလှောင်သော ဆိုလာပြားများနှင့်လည်း
တပ်ဆင်အသုံးပြုထားသော ပြဇာတ်ရုံကြီးအတွက်လိုအပ်သော စွမ်းအင်ကို ဖြည့်တင်းအသုံးပြုလျက်ရှိသည်ဟု သိရသည်။
ဧည့်သည်များအနေနှင့် ထိုပြဇာတ်ရုံကြီးတွင် လာရောက်လေ့လာနိုင်ပြီးတစ်ဦးကို ဝင်ကြေး ယွမ် ၅ဝ(၈ဒေါ်လာ)ကျသင့်သည်ဟု သိရသည်။
