ချောက်နက်ကြီးသုံးခု (Three Gorges) ရေလှောင်တမံတွင် ရေစီးဆင်းမှု စံချိန်တင်

ချောက်နက်ကြီးသုံးခု (Three Gorges) ရေလှောင်တမံတွင် ရေစီးဆင်းမှု စံချိန်တင်

တရုတ်နိုင်ငံ အလယ်ပိုင်း ဟူပေပြည်နယ်ရှိ ချောက်နက်ကြီးသုံးခု (Three Gorges) ရေလှောင်တမံသည် ၂၀၀၃ ခုနှစ်တွင် စတင်တည်ဆောက်ချိန်ကစ၍

ရေလှောင်တမံအတွင်း ရေစီးဆင်းမှု စံချိန်တင်မြင့်တက်နေမှုအပေါ် စစ်ဆေးရေး လုပ်ငန်းများ လုပ်ဆောင်နေကြောင်း သိရသည်။

ရေအရင်းအမြစ်ဝန်ကြီးဌာန အဆိုအရ ယန်ဇီမြစ်၏ မြစ်ညာမြစ်လက်တက်များ၌ မိုးရေချိန်မြင့်တက်မှု ဆက်လက်ရှိနေဆဲဖြစ်သဖြင့် ရေကာတာအတွင်း ရေစီးဆင်းမှုသည် ဩဂုတ် ၁၉ ရက် မွန်းတည့်အချိန်မှစတင်ကာ တစ်စက္ကန့်လျှင် ၇၂,၀၀၀ ကုဗမီတာသို့ စတင်ရောက်ရှိခဲ့ကြောင်း သိရသည်။

3_george_2.jpg

ရေကာတာ၏ ရေစီးဆင်းမှုသည် ဩဂုတ် ၂၀ ရက်တွင် တစ်စက္ကန့်လျှင် ၇၅,၀၀၀ ကုဗမီတာသို့ ထပ်မံကျော်လွန်သွားမည်ဟု ခန့်မှန်းထားသည်။

ဝန်ကြီးဌာနက ဩဂုတ် ၁၈ ရက်တွင် ရေကြီးရေလျှံမှုအတွက် ယန်ဇီမြစ်၏ အရေးပေါ်တုံ့ပြန်မှုအဆင့်ကို အဆင့်သုံးမှ နှစ်သို့ မြှင့်တင်လိုက်ကြောင်း၊ Three Gorges ရေကာတာအတွင်း ရေစီးဆင်းမှုကို လျှော့ချနိုင်ရန် Ertan နှင့် Xiangjiaba ဆည်များအပါအဝင် ယန်ဇီမြစ်အပေါ်ပိုင်းရှိ ရေကာတာများစွာအား ညွှန်ကြားထားကြောင်း သိရသည်။

Three Gorges ရေကာတာစီမံကိန်းသည် ဘက်စုံသုံးရေထိန်းချုပ်မှုစနစ်တစ်ခု ဖြစ်ပြီး အရှည် ၂,၃၀၉ မီတာ နှင့် အမြင့် ၁၈၅ မီတာရှိသော ဆည်တစ်ခု၊ မြောက်နှင့် တောင်တွင် အဆင့်ငါးဆင့်ရှိသော သင်္ဘောအတင်အချ ပြုလုပ်ရန်ရေပြင်ညှိစနစ်၊ တာဘိုမီးစက်ကြီး ၃၄ လုံးဖြင့် စုပေါင်းလည်ပတ်ကာ လျှပ်စစ်ဓာတ်အား ၂၂.၅ သန်း ကီလိုဝပ် ထုတ်လုပ်နိုင်စွမ်းရှိကြောင်း သိရသည်။

ရင်းမြစ် ဆင်ဟွာ

 

Read 850 times
Rate this item
(0 votes)