ဒေါ်လာ ၂ ဘီလီယံတန် LNG ဓာတ်အားပေးစက်ရုံတည်ဆောက်ရန် ဂျပန် ကုမ္ပဏီများ လုပ်ကိုင်ခွင့် ရရှိ

ဒေါ်လာ ၂ ဘီလီယံတန် LNG ဓာတ်အားပေးစက်ရုံတည်ဆောက်ရန် ဂျပန် ကုမ္ပဏီများ လုပ်ကိုင်ခွင့် ရရှိ

ဂျပန် ကုမ္ပဏီများဖြစ်ကြသည့် Marubeni ၊ Sumitomo Corp နှင့် Mitsui တို့သည်

မြန်မာနိုင်ငံတွင်သဘာဝဓာတ်ငွေ့သုံးဓာတ်အားပေးစက်ရုံတစ်ရုံ တည်ဆောက်မည်ဖြစ်သည်။ အရှေ့တောင်အာရှတွင် ဂျပန်ကုမ္ပဏီများ၏ အကြီးမားဆုံးရင်းနှီးမြှုပ်နှံမှုတစ်ခုဖြစ်သည်ဟု အဆိုပါကိစ္စနှင့် ရင်းနှီးကျွမ်းဝင်သူများက ပြောကြားသည်။

 

ကုမ္ပဏီသုံးခုက စီမံကိန်းအတွက် စုစုပေါင်းရင်းနှီးမြှုပ်နှံမှုကို ဒေါ်လာ ၁.၅ ဘီလီယံမှ ၂ ဘီလီယံအထိ ရှိသည်ဟု ခန့်မှန်းကြသည်။ အဆိုပါစက်ရုံကို ၂၀၂၅ ခုနှစ်တွင် မြန်မာနိုင်ငံ၏ လက်ရှိလျှပ်စစ်ဓာတ်အားပေးစက်ရုံများ၏ ၂၀% နှင့် ညီမျှသောစွမ်းရည်ဖြင့် စတင်လည်ပတ်လိမ့်မည်ဟု မျှော်လင့်ရသည်။

 

ယင်းစီမံကိန်းသည် တရုတ်နိုင်ငံမှ ကုမ္ပဏီများက အခြေခံအဆောက်အအုံဆိုင်ရာ တည်ဆောက်ရေးသဘောတူညီချက်များအတွက် အပြိုင်အဆိုင်ယှဉ်ပြိုင်နေသည့်ဒေသတစ်ခုတွင် ဂျပန်ကုမ္ပဏီများက အနိုင်ရရှိခဲ့ခြင်းဖြစ်သည်။

 

LNG စွမ်းအင် ဝယ်လိုအားသည် အရှေ့တောင်အာရှတွင် စျေးသက်သာသည့် ကျောက်မီးသွေးထက် စွန့်ပစ်ဓာတ်ငွေ့များ ထုတ်လွှတ်မှုနည်းသော အခြားရွေးချယ်စရာတစ်ခုအဖြစ် ကြီးထွားလာလိမ့်မည်ဟုမျှော်လင့်ရသည်။ Marubeni, Sumitomo နှင့် Mitsui တို့က ဤစီမံကိန်းသည် ဒေသတွင်းရှိသူတို့၏ စွမ်းအင်လုပ်ငန်းများကို တိုးချဲ့ရန် အထောက်အကူဖြစ်လိမ့်မည်ဟု မျှော်လင့်ကြသည်။

 

မြန်မာနိုင်ငံတွင် လျှပ်စစ်ဓာတ်အားလိုအပ်ချက်မှာ တစ်နှစ်လျှင် ၁၀ %မှ ၂၀% နှုန်းအထိ တိုးတက်လျက်ရှိသည်။ စက်မှုလုပ်ငန်းများနှင့် စိုက်ပျိုးရေးကျေးရွာများတွင် လျှပ်စစ်ဓာတ်အား သုံးစွဲကြခြင်းတို့ကြောင့်ဖြစ်သည်။ မကြာခဏ လျှပ်စစ်ဓာတ်အားပြတ်တောက်မှုကြောင့် ကုန်ထုတ်လုပ်မှုတွင် နိုင်ငံခြားရင်းနှီးမြှုပ်နှံမှုကို ဆွဲဆောင်ရန် နိုင်ငံ၏ရည်မှန်းချက်ကို အဟန့်အတား ဖြစ်နေစေသည်။

 

စက်ရုံကို ရန်ကုန်မြို့ဆင်ခြေဖုံးတွင် တည်ဆောက်မည်ဖြစ်ပြီး မြန်မာနိုင်ငံ၏ စီးပွားဖြစ်မြို့တော်နှင့် လူ ဦး ရေအထူထပ်ဆုံးမြို့ ဖြစ်သည်။ အဆိုပါကုမ္ပဏီသုံးခုသည် ဧဒင်လုပ်ငန်းစုနှင့် ဖက်စပ်လုပ်ကိုင်ကြမည်ဖြစ်သည်? ဧဒင်လုပ်ငန်းစု၏ စီးပွားရေးလုပ်ငန်းများတွင် အိမ်ခြံမြေနှင့်စိုက်ပျိုးရေးလုပ်ငန်းများ ပါ၀င်သည်။

 

အဆိုပါစက်ရုံသည် မဂ္ဂါဝပ် ၁,၂၅၀ ထုတ်လုပ်နိုင်စွမ်းရှိသည်။ မြန်မာနိုင်ငံ၏ လက်ရှိ လျှပ်စစ်ဓာတ်အား ထုတ်လုပ်မှု စွမ်းရည်သည် မဂ္ဂါဝပ် ၆ သန်းခန့်ရှိသည်ဟု လျှပ်စစ်နှင့်စွမ်းအင်ဝန်ကြီးဌာနမှ ပြောကြားခဲ့သည်။

 

asia.nikkei.com

 

Read 11449 times
Rate this item
(2 votes)