မြေအချိုးကျပိုင်ဆိုင်မှုပါရရှိမည့် ဟိုတယ်အခန်းများကို စင်္ကာပူ-မြန်မာ ဖက်စပ် ကုမ္ပဏီ က ကြိုပွိုင့်ရောင်းချမည်

မြေအချိုးကျပိုင်ဆိုင်မှုပါရရှိမည့် ဟိုတယ်အခန်းများကို စင်္ကာပူ-မြန်မာ ဖက်စပ် ကုမ္ပဏီ က ကြိုပွိုင့်ရောင်းချမည်

စင်္ကာပူ အခြေစိုက် ကုမ္ပဏီတစ်ခုဖြစ်သော Attic Investment သည် မြန်မာနိုင်ငံမှ ကျောက်မျက်သတ္တုကုမ္ပဏီတစ်ခုဖြစ်သော Than Htike Lu Gems နှင့် ပူးပေါင်း၍ ၂၅ ထပ်အမြင့် ဟိုတယ်တာဝါ ဆောက်လုပ်ကာ ဟိုတယ်အခန်းများအား အပြတ်ပိုင်ဆိုင်မှုအနေဖြင့် ရောင်းချသွားမည်ဟု သတင်းရရှိသည်။

ထိုစီမံကိန်းသည် မရမ်းကုန်းမြို့နယ်၊ ကျိုက်ဝိုင်းဘုရားလမ်းပေါ်ရှိ မြေ ၂.၁၄ ဧကတွင် ဆောက်လုပ်မည်ဖြစ်ပြီး ၁၉ ရက် မတ်လတွင် ဆီဒိုးနားဟိုတယ် ရန်ကုန်၌ မိတ်ဆက်ရောင်းချသွားမည်ဖြစ်သည်။

ပထမအဆင့်အနေဖြင့် ဟိုတယ်အခန်းများကို အများပြည်သူသို့ ရောင်းချမည်ဖြစ်ကာ ဈေးနှုန်းဈေးထားကို တစ်ခန်းလျှင် ဒေါ်လာ ၁၅၀ ၀၀၀ ၀န်းကျင်ဟု အကြမ်းဖျင်းသတ်မှတ်ထားပြီးဝယ်သူများအနေဖြင့် မြေပိုင်ဆိုင်မှုပါ အချိုးကျရရှိမည်ဟု ဆိုသည်။

အခန်းဝယ်သူများအနေဖြင့် အမြဲတမ်းနေထိုင်ရန် ၀ယ်နိုင်ပြီး ရင်းနှီးမြှုပ်နှံရန်အတွက် ၀ယ်ဆောင်ပါကလည်း အဆင်ပြေကြောင်း သိရှိရပါသည်။

တည်ဆောက်သူသည် ထိုဟိုတယ်အား Manage လုပ်ရန် စီမံခန့်ခွဲရေး ကုမ္ပဏီတစ်ခု ငှားမည်ဖြစ်ပြီး အခန်းပိုင်သူများ အနေဖြင့် ထို ကုမ္ပဏီမှ တစ်ဆင့် ပုံမှန် ဟိုတယ်အခန်းစတိုင်ဖြင့် အပြင်သူများကို ပြန်လည်ငှားရမ်း၍လည်း ၀င်ငွေ ရရှိနိုင်မည်ဟုဆိုသည်။

ငွေပေးချေရာတွင်လည်း ၃ မျီုးရွေးချယ်ခွင့်ရှိပြီး လက်ငင်းငွေချေစနစ်၊ လစဉ်ငွေပေးချေစနစ်နှင့် ဘဏ်ဖြင့် ချိတ်ဆက်ကာလည်း ၀ယ်ယူနိုင်ကြောင်း သိရှိရသည်။

ဤကဲ့သို့ ဟိုတယ်အခန်းများအား သီးခြား ရောင်းချသည့် စီမံကိန်းသည် မြန်မာနိုင်ငံ အိမ်ခြံမြေလောကတွင် မကြားဖူးသလောက်ရှိပြီး ၀ယ်သူက မြေအချိုးကျပိုင်ဆိုင်ခွင့် ရရှိသည့် စီမံကိန်းဆိုသည်မှာလည်း ပထမဆုံးအကြိမ်ဖြစ်သည်ဟု အိမ်ခြံမြေကျွမ်းကျင်သူတစ်ဦးကပြောသည်။

ထိုအချိုးက မြေပိုင်ဆိုင်မှုရရှိသည့် အရောင်းပုံစံသည် လတ်တလောထွက်ရှိထားသည့် စုပေါင်းပိုင် အဆောက်အအုံဆိုင်ရာ ဥပဒေ (သို့) ကွန်ဒိုမီနီယံဥပဒေပေါ်သို့ အခြေခံထားသည်ဟု ကျွမ်းကျင်သူက ထင်မြင်ချက်ပေးထားပါသည်။

သို့သော်လည်း Attic Investment ဘက်မှ အရောင်းကိုယ်စားလှယ်က ဥပဒေရေးရာဆိုင်ရာများကို မိတ်ဆက်ပွဲတွင်သာ အတိအကျပြောနိုင်မည်ဟုဆိုသည်။

“ဒီဟိုတယ်ခန်းတွေကို ရောင်းတယ်ဆိုတာ ဒီစီမံကိန်းရဲ့ ရှယ်ယာကို ရောင်းတဲ့သဘောပါပဲ။ မြေက freehold ဆိုတော့ မြေပိုင်ဆိုင်မှုပါ အချိုးကျပေးမှာပါ။ စာချုပ်ကိုတော့ သုံးခုချုပ်ရပါမည်။ မိတ်ဆက်ပွဲကျရင်တော့ အသေးစိတ်ရှင်းပြလို့ ရပါတယ်” ဟု အရောင်းကိုယ်စားလှယ်ကဆိုသည်။

ထို ၂၅ ထပ်မြင့်သော ဟိုတယ်တာဝါကို Attic Master Hotel ဟု လက်ရှိတွင် နာမည်ပေးထားပြီး မြေညီထပ်တွင် Lobby ပထမထပ်တွင် ရုံးခန်းသုံးရန်နှင့် ဒုတိယထပ်တွင် အနုပညာခန်းများ ပါဝင်မည်ဟု သိရှိရပါသည်။

ဟိုတယ်အခန်းများမှာ အထပ် ၁၇ မှ အထပ် ၂၅ ထပ်တွင် ရှိမည်ဖြစ်ပြီး sky lobby တွင် check-in လုပ်ရမည်ဖြစ်ကာ အခန်းအရေအတွက်အနေဖြင့် ၁၆၈ ခန်းပါရှိမည်ဟု ဆိုပါသည်။ ကျန်အထပ်များတွင် serviced apartment များ ပါဝင်မည်။

ဟိုတယ်တာဝါသည် ဤမြေကွက်ရှိစီမံကိန်း၏ ပထမအဆင့်ဖြစ်ပြီး နောက်တွင် လူနေကွန်ဒိုတာဝါသုံးလုံးဖြင့် စုစုပေါင်း လေးလုံးဆောက်လုပ်သွားမည်ဟုဆိုသည်။

ကွန်ဒိုမီနီယံဥပဒေအရ အဆောက်အဦးတစ်ခုအား ကွန်ဒိုမီနီယံဟု အကျုံးဝင်သတ်မှတ်လျှင် မြေကွက်အား မူလမြေပိုင်ရှင်မှ တစ်ဦးထဲမပိုင်ဆိုင်တော့ဘဲ အခန်းပိုင်ရှင်များကပါ အချိုးကျပိုင်ဆိုင်မည်ဖြစ်သည်။

နောင်ထိုမြေကွက်နှင့် ဆိုင်ရာလုပ်ငန်းရပ်ကိုလည်း မူလမြေပိုင်ရှင်မှ တစ်ဦးတည်းဆုံးဖြတ်ပိုင်ခွင့်မရှိတော့ဘဲ အခန်းပိုင်ရှင်များနှင့်အတူ အများသဘောတူ ဆုံးဖြတ်ရမည်ဖြစ်သည်။

လက်ရှိတွင် Attic Investment သည် မြန်မာနိုင်ငံတွင် Singapore Attic (Myanmar)Investment ဟု ဧပြီလ  ၂၀၁၅ ခုနှစ်တွင် ရင်းနှီးမြှုပ်နှံသူနှင့် ကုမ္ပဏီများ ညွှန်ကြားမှုဦးစီးဌာနတွင် မှတ်ပုံတင်ထားကြောင်း သိရှိရသည်။

Than Htike Lu Gems မှာ မြန်မာ့ကျောက်မျက်ရတနာနှင့် သတ္တုတူးဖော်ရေးကုမ္ပဏီတစ်ခုဖြစ်ပြီး အိမ်ခြံမြေလောကသို့ ၂၀၁၄ ခုနှစ်တွင် ၂၄ ထပ်အမြင့်ရှိသော Royal Sayarsan Condominium ဖြင့် ၀င်ရောက်လာသူဖြစ်သည်။

Royal Sayarsan Condominium သည် ရန်ကုန်မြို့၊ ဗဟန်းမြို့နယ်၊ ဆရာစံလမ်းတွင်တည်ရှိပြီး ဆောက်လုပ်နေဆဲဖြစ်ပါသည်။

Read 1868 times Last modified on Wednesday, 29 August 2018 17:11
Rate this item
(1 Vote)