ဂွမြို့နယ်ရှိကမ်းသာယာကမ်းခြေဒေသတွင် ဟိုတယ်ဇုန်အသစ်များထပ်မံတိုးချဲ့ဖော်ထုတ်မည်

ဂွမြို့နယ်ရှိကမ်းသာယာကမ်းခြေဒေသတွင် ဟိုတယ်ဇုန်အသစ်များထပ်မံတိုးချဲ့ဖော်ထုတ်မည် google map

ရခိုင်ပြည်နယ်ဂွမြို့နယ်ရှိကမ်းသာယာကမ်းခြေဒေသတွင်ဟိုတယ်နှင့်ခရီးသွားလုပ်ငန်းကဏ္ဍဖွံ့ဖြိုး တိုးတက်ရေးအတွက်

ဟိုတယ်ဇုန်အသစ်များထပ်မံတိုးချဲ့ဖော်ထုတ်သွားမည်ဖြစ်ကြောင်းသိရသည်။

ကမ်းသာယာကမ်းခြေဒေသ၊ဇီးကုန်းကျေးရွာအနီးရှိရခိုင်ပြည်နယ်အစိုးရအဖွဲ့ကစီမံခန့်ခွဲပိုင်ခွင့်ရှိသောမြေဧရိ ယာအကျယ်၃၆ဒသမ၄ဧကပေါ်တွင်အသက်မွေးဝမ်းကျောင်းသင်တန်းကျောင်းတစ်ကျောင်းအပါအ၀င်ဟိုတယ်လုပ်ငန်းများနှင့်အခြားအပန်းဖြေနေရာများကိုအကောင်အထည်ဖော်ဆောင်ရွက်သွားမည်ဖြစ်ပြီးရင်းနှီးမြုပ်နှံ လိုသည့်လုပ်ငန်းရှင်များကိုဖိတ်ခေါ်ဆောင်ရွက်မည်ဖြစ်ကြောင်းသိရသည်။

ဟိုတယ်နှင့်ခရီးသွားလာရေးလုပ်ငန်းများဖွံ့ဖြိုးတိုးတက်ရေးဆောင်ရွက်ရာတွင်ကာလတို၊ကာလရှည်စီမံကိန်း ရေးဆွဲဆောင်ရွက်သွားမည်ဖြစ်ကာဒေသခံများအသိပညာ၊အတတ်ပညာများတိုးတက်ကာအလုပ်အကိုင်အခွင့်အလမ်းများပိုမိုရရှိစေရန်နှင့်လူနေမှုဘ၀များပိုမိုဖွံ့ဖြိုးတိုးတက်နိုင်ရေးအတွက်ဆောင်ရွက်ခြင်းဖြစ်ကြောင်း သိရသည်။

ကမ်းသာယာဘက်တွင်ဟိုတယ်ဇုန်အသစ်များတိုးချဲ့ဖော်ထုတ်လာပါကများစွာအောင်မြင်မှုရနိုင်သကဲ့သို့ဒေသခံများအတွက်အခွင့်အလမ်းများစွာရရှိစေမည်ဖြစ်ပါသည်။

ဂွမြို့နယ်တွင်ရှိသည့်ပင်လယ်ကမ်းခြေဒေသများမှာအရမ်းလှပသောကြောင့်ငပလီကမ်းခြေကိုယှဉ်ပြိုင်လာနိုင် မည့်ကမ်းခြေဖြစ်အောင်လုပ်နိုင်ရန်ဇီးဖြူကုန်းရပ်ကွက်တွင်ပင်လယ်ကမ်းခြေဆင်းသည့်လမ်းအသစ်များထပ်မံပေါ်ပေါက်လာစေရန် သက်ဆိုင်ရာဟိုတယ်များကစီစဉ်ဆောင်ရွက်နေကြောင်းသိရသည်။

ယခုအခါငပလီကမ်းခြေဒေသသို့လာရောက်ကြသည့်ပြည်တွင်း၊ပြည်ပခရီးသွားဧည့်သည်များအနေဖြင့်အနီးပတ်ဝန်းကျင်နေရာများကိုမော်တော်ယာဉ်များ၊ရေယာဉ်များဖြင့်အလွယ်တကူလည်ပတ်သွားလာနိုင်သောခရီးစဉ်နေရာအသစ်များ ထပ်မံဖော်ဆောင်နိုင်ရေးအတွက်ဆောင်ရွက်နေကြောင်းသိရသည်။

Source:Pyimyanmar journal

Read 1588 times Last modified on Wednesday, 19 September 2018 16:07
Rate this item
(0 votes)