မကွေးပြည်သူ့ဆေးရုံကြီးကို ငါးထပ်ဆောင်အဖြစ် အဆင့်မြှင့်တင်မည်

မကွေးပြည်သူ့ဆေးရုံကြီးကို ငါးထပ်ဆောင်အဖြစ် အဆင့်မြှင့်တင်မည် google

မကွေးတိုင်းဒေသကြီး မကွေးမြို့ ပြည်သူ့ဆေးရုံကြီးအား ခုတင် (၅၀ဝ) ဆံ့ဆေးရုံကြီးအဖြစ် အဆင့်မြှင့်တင်ရန် ငါးထပ်တိုးချဲ့ဆောင်သစ်ကို ပြည်ထောင်စုရန်ပုံငွေ ကျပ် ၄၃၅၀ ဒသမ ၄၈ သန်းဖြင့် ဆောက်လုပ်နေကြောင်း မကွေးတိုင်းဒေသကြီး အဆောက်အအုံ အထူး

အဖွဲ့ (၅) မှ လက်ထောက်ညွှန်ကြားရေးမှူး ဦးတင်ထူးထံမှ သိရသည်။

 

လက်ရှိ မကွေးမြို့ပြည်သူ့ဆေးရုံကြီးမှာ ခုတင် (၃၀ဝ) ဆံ့ဆေးရုံကြီးအဖြစ် လူနာများအား ကုသပေးနေသော်လည်း တက်ရောက်ကုသနေသည့်လူနာများမှာ များပြားနေ၍ ယခုလို တိုးချဲ့ဆောက်လုပ်ခြင်းဖြစ်သည်။

 

ရာခိုင်နှုန်း ၈၀ ပြီးစီး

 

"မကွေးမြို့ ပြည်သူ့ဆေးရုံကြီးကို ခုတင် (၅၀ဝ)ဆံ့ ဆေးရုံအဖြစ် အဆင့်မြှင့်တင်ဖို့အတွက် အထွေထွေရောဂါကုသဆောင်နဲ့ လူနာခုတင် (၂၄၂) ခုတင်ပါ ငါးထပ်အဆင့်မြှင့် ဆေးရုံအဆောက်အအုံကြီးကို ၂၀၁၆-၂၀၁၇ ဘဏ္ဍာနှစ်ကစတင်ကာ ပြည်ထောင်စုရန်ပုံငွေ ကျပ် ၄၃၅၀ ဒသမ ၄၈ သန်းနဲ့ ဆောက်လုပ်ခဲ့တာဖြစ်ပါတယ်။ ၂၀၁၇-၂၀၁၈ ဘဏ္ဍာနှစ်တွင် တိုင်းဒေသကြီးရန်ပုံငွေ ကျပ် ၆၂ ဒသမ ၄ သန်းထပ်မံပံ့ပိုးခဲ့ပြီး ဆောက်လုပ်ခဲ့တာ အခု မေလအတွင်း လုပ်ငန်းပြီးစီးမှုရာခိုင်နှုန်း ၈၀ အထိပြီးစီးနေပြီဖြစ်ပါတယ်"ဟု ဦးတင်ထူးက ပြောဆိုသည်။

 

<<ပြန်လည် တည်ဆောက်ပြီးစီးသွားသော ခါးပြတ်ကျိုးကျသွားသည့်လန်နရေတံခွန် တံတားကြီး>>

 

အပြီးဆောက်မည်

 

"ယင်းငါးထပ်အဆောက်အအုံကြီးမှာ အလျား ပေ ၂၀ဝ၊ အနံ ၁၆၁ ပေ၊ အမြင့် ၆၂ ပေဖြစ်ပြီး ၂၀၁၈-၂၀၁၉ ဘဏ္ဍာနှစ်အတွင်း မြို့ပြလုပ်ငန်းအားလုံးနဲ့ အတွင်းရေရရှိရေး၊ အတွင်းလျှပ်စစ်လုပ်ငန်းများ ပြီးစီးမှာ ဖြစ်ပါ တယ်။ ကျန်ရှိတဲ့လုပ်ငန်းများမှာ ဓာတ်လှေကားနှစ်စင်း၊ ကားပါကင်၊ ကွန်ကရစ်လမ်း စတဲ့ လုပ်ငန်းတွေဖြစ်ပါတယ်။ ကျန်လုပ်ငန်းတွေကို ၂၀၁၉-၂၀၂၀ ဘဏ္ဍာနှစ်အတွင်း အပြီးဆောင်ရွက်သွားမှာဖြစ်ပါတယ်"ဟု ၎င်းက ပြောဆိုသည်။

 

အထွေထွေရောဂါ

 

အဆိုပါဆေးရုံ ငါးထပ်အဆောက်အအုံတွင် မြေညီထပ်၌ အခန်း ၃၂ ခန်း၊ ပထမထပ်တွင် အခန်း ၂၅ ခန်း၊ ဒုတိယထပ်တွင် အခန်း ၂၁ ခန်း၊ တတိယထပ်တွင်အခန်း ၂၆ ခန်း၊ စတုတ္ထထပ်တွင် အခန်း ၂၂ ခန်းပါဝင်ပြီး အထပ်တိုင်းတွင် တာဝန်ကျဆရာဝန်ခန်း၊ တာဝန်ကျ သူနာပြုခန်း၊ ရေချိုးခန်း၊ အိမ်သာပါရှိမည်ဖြစ်ကြောင်း၊ အထပ်တိုင်းတွင် ရောဂါအလိုက်ကုသဆောင်၊ လူနာဆောင်များပါရှိပြီး အထွေထွေရောဂါမျိုးစုံကို ကုသဆောင်ရွက်ပေးမည့်ဆေးရုံကြီးဖြစ်ကြောင်း သိရသည်။

 

ဆောက်လုပ်ရေးနှင့်ပတ်သက်သော လုပ်ငန်းများအကြောင်း အသေးစိတ်သိရှိလိုပါက https://bit.ly/2HG7bdM မှာ အသေးစိတ်ဝင်ရောက်ဖတ်ရှုနိုင်ပါတယ်။

 

Source: Myanmar Times

 

Myanmar Builders Guide

Read 740 times Last modified on Friday, 31 May 2019 09:56
Rate this item
(0 votes)
Tagged under