မုံရွာပြည်သူ့ဆေးရုံရှိ ခုတင် ၅၀၀ ဆံ့ငါးထပ်ဆောင်တည်ဆောက်မှု ၈၀ ရာခိုင်နှုန်းပြီးစီးနေ

မုံရွာပြည်သူ့ဆေးရုံရှိ ခုတင် ၅၀၀ ဆံ့ငါးထပ်ဆောင်တည်ဆောက်မှု ၈၀ ရာခိုင်နှုန်းပြီးစီးနေ google

        စစ်ကိုင်းတိုင်းဒေသကြီး မုံရွာမြို့ပြည်သူ့ဆေးရုံရှိ ခုတင် ၅၀၀ ဆံ့ငါးထပ်ဆောင်အဆောက်အအုံ တည်ဆောက်နေမှုမှာ လက်ရှိတွင် ၈၀ ရာခိုင်နှုန်းပြီးစီးနေပြီဖြစ်ကြောင်း စစ်ကိုင်းတိုင်းဒေသကြီးလူမှုဝန်ကြီး ဒေါက်တာဇော်ဝင်းထံမှသိရသည်။ အဆိုပါ ခုတင် ၅၀၀ ဆံ့ငါးထပ်ဆောင်

အဆောက်အအုံကို ၂၀၁၄ခုနှစ်က စတင်တည်ဆောက်ခဲ့ခြင်းဖြစ်ပြီး ကျပ်သန်းပေါင်း ၂၆၆၅ သန်းကုန်ကျထားပြီး ဖြစ်ကြောင်း လူမှုရေးဝန်ကြီးက ပြောသည်။

 

        “ ဆေးရုံကြီးရဲ့ မူလပထမဒီဇိုင်းက ခုနှစ်ထပ်ရည်ရွယ်ခဲ့ပေမယ့် ဖောင်ဒေးရှင်းအရ ငါးထပ်သာ ဆောက်သင့်တဲ့အတွက် ငါးထပ်ဆောင်ကို ပြုပြင်ပြောင်းလဲတည်ဆောက်ခဲ့ပါတယ်၊ လုပ်ငန်းပြီးစီးမှုက ၈၀ ရာခိုင်နှုန်းပြီးစီးနေပြီ၊ အဆောက်အအုံတစ်ခုလုံးပြီးစီးဖို့ ကျပ် ၃၂၄၃ သန်းခန့်လိုအပ် မှာဖြစ်ပါတယ်၊ ပြီးစီးဖို့အတွက် တိုင်းဒေသကြီးအစိုးရထံက ဧပြီလကနေ စက်တင်ဘာလအထိ ရသုံးခန့်မှန်းခြေကျပ် ၁၅၅၅ သန်းရရှိပြီးဖြစ်ပါတယ်။ အဲဒီရရှိတဲ့ငွေကြေးများကို ဆေးရုံကြီးတည်ဆောက်ရန် သုံးစွဲဖို့ ပြည်ထောင်စုအစိုးရကို တင်ပြမှာဖြစ်ပြီး လိုအပ်တဲ့ဝန်ထမ်းများကို ခန့်အပ်ဖို့လည်း ပြည်ထောင်စုအစိုးရကို ဆက်လက်တင်ပြမှာ ဖြစ်ပါတယ်” ဟုဝန်ကြီးကဆက်ပြောသည်။

 

<< ဧပြီတွင် နောက်ဆုံးအကြိမ် သီးနှံနစ်နာကြေးပေးမည့် ဟံသာဝတီလေဆိပ်တည်ဆောက်ရေး >>

 

        ငါးထပ်ဆောင်အဆောက်အအုံ ရာနှုန်းပြည့်ပြီးစီးရန်အတွက် လိုအပ်သည့်ငွေကြေးများကိ ဘဏ္ဍာနှစ်အလိုက် တင်ပြတောင်းခံထားကြောင်းနှင့် ၂၀၂၀-၂၀၂၁ ဘဏ္ဍာရေးနှစ်အတွင်း အပြီးတည်ဆောက်သွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာ နပြည်ထောင်စုဝန်ကြီး ဒေါက် တာမြင့်ထွေးကပြောကြားထားသည်။

 

        “ ၂၀၁၈-၂၀၁၉ ဘဏ္ဍာရေးနှစ်မှာ ကျပ်သန်း ၅၀၀ ဖြည့်စွက်တင်ထားပါတယ်။ ၂၀၁၉-၂၀၂၀ ဘဏ္ဍာရေးနှစ်မှာဒီဆေးရုံကြီးကို အပြီးဆောက်ဖို့လုပ်နေပါတယ်။ ချက်ချင်းမပေးနိုင်တာက ကျွန်တော်တို့မှာအရည်အသွေးပြည့်မီတဲ့ Third party နဲ့စစ်ထားတာမရှိဘူး။ မှတ်တမ်းအပြည့်အစုံမရှိလို့ နည်းနည်းကြာခြင်းဖြစ်ပါတယ်၊ သို့သော်လည်း ၂၀၂၀-၂၀၂၁ အပြီးလုပ်ဖို့လုပ်ထားပါတယ်”ဟုပြည်ထောင်စုဝန်ကြီးကပြောသည်။

 

        စစ်ကိုင်းတိုင်းဒေသကြီးအတွင်းတွင် တည်ဆောက်ဆဲ ခုတင် ၅၀၀ ဆံ့ ဆေးရုံအပြင် ခုတင် ၃၀၀ ဆံ့ဆေးရုံတစ်ရုံ၊ ခုတင် ၂၀၀ ဆံ့ ဆေးရုံနှစ်ရုံ၊ ခုတင် ၁၀၀ ဆံ့ဆေးရုံခြောက်ရုံ၊ ခုတင် ၅၀ ဆံ့ဆေးရုံ ၁၁ ရုံ၊  ၂၅ ခုတင်ဆံ့ဆေးရုံ ၁၉ ရုံ၊ ၁၆ ခုတင်ဆံ့ဆေးရုံ ၉၉ ရုံ၊ ကျေးလက်ကျန်းမာရေးဌာန ၂၄၁ ခု၊ ကျေးလက်ကျန်းမာရေးဌာနခွဲ ၁၁၆၅ ခု၊ ဒေသန္တရကျန်းမာရေးဌာနနှစ်ခု၊ ကျောင်းကျန်းမာရေးဌာန ငါးခု၊ မိခင်နှင့် ကလေးကျန်းမာရေးဌာန ၄၀၊ အနာကြီးရောဂါတိုက်ဖျက်ရေးအဖွဲ့ငါးဖွဲ့၊ အထူးရောဂါတိုက်ဖျက်ရေးအဖွဲ့နှစ်ဖွဲ့၊ တီဘီရောဂါတိုက် ဖျက်ရေးအဖွဲ့လေးဖွဲ့၊ မျက်ခမ်းစပ်နှင့် မျက်မမြင်ကာ ကွယ်ရေးအဖွဲ့သုံးဖွဲ့၊ ကာလသားရောဂါတိုက်ဖျက်ရေးအဖွဲ့ သုံးဖွဲ့၊ ငှက်ဖျားရောဂါတိုက်ဖျက်ရေးအဖွဲ့ ကိုးဖွဲ့နှင့် တိုင်းရင်းဆေးကုဌာန ၄၂ ခုတို့ဖြင့် ပြည်သူများအား ကျန်းမာရေးစောင့်ရှောက်မှုပေးလျက်ရှိကြောင်းသိရသည်။

 

Source: Myanmar Alin

 

Myanmar Builders Guide

Read 862 times
Rate this item
(0 votes)
Tagged under