ကန်ဒေါ်လာ၅၆သန်းခန့် အကုန်အကျခံကာအဆင့်မြှင့်တင်မည့် စစ်တွေအထွေထွေရောဂါကုဆေးရုံကြီး

ကန်ဒေါ်လာ၅၆သန်းခန့် အကုန်အကျခံကာအဆင့်မြှင့်တင်မည့် စစ်တွေအထွေထွေရောဂါကုဆေးရုံကြီး google

          စစ်တွေ အထွေထွေရောဂါကုဆေးရုံကြီးကို အမေရိကန်ဒေါ်လာ ၅၆ သန်းခန့်အကုန်အကျခံကာအဆင့်မြှင့်တင်မည်ဖြစ်ကြောင်း ကျန်းမာရေးနှင့်အားကစားဝန်ကြီးဌာနမှ သိရသည်။

          "အနာဂတ်တွင် စစ်တွေဆေးရုံကြီးအား သင်ကြားရေးဆေးရုံကြီးအဖြစ် သတ်မှတ်အသုံးပြုနိုင်ရန်အတွက် အဆင့်မြှင့်တင်တည်ဆောက်ရာတွင် စာသင်ခန်းများ၊အစည်းအဝေးခန်းများ ထည့်သွင်းတည်ဆောက်သွားစေလိုကြောင်း"

ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး မှပြောကြားသည်။

          ဆေးရုံကြီးအဆင့်မြှင့်တင်ရေးလုပ်ငန်းများအား လုပ်ဆောင်ရာတွင် ပြင်ပလူနာဌာန၊လူနာဆောင်များ၊ခွဲစိတ်ခန်းများ၊ဓာတ်ခွဲခန်းများ၊အထောက်အကူပြုဌာနများ၊လူနာစောင့်များ နားနေရန် နေရာများဝန်ထမ်းအိမ်ရာ များစသည်တို့ကို အဆင့်လိုက်၊အပိုင်းလိုက်အနေဖြင့် အဆင့်သုံးဆင့်ဖြင့် တည်ဆောက်ဆောင်ရွက်သွားမည်ဖြစ်ပြီး ခန့်မှန်းကုန်ကျစရိတ် စုစုပေါင်း ကန်ဒေါ်လာ ၅၆ သန်း ခန့်ကုန်ကျမည်ဖြစ်ကြောင်းသိရသည်။ကနဦးမွမ်းမံပြင်ဆင်တည်ဆောက်ရေးလုပ်ငန်းများအတွက် 3MDG ရန်ပုံငွေအဖွဲ့မှ ကန်ဒေါ်လာ ၁ ဒသမ ၃ သန်းကို ရရှိထားပြီးဖြစ်ကာ Master Plan အား အတည်ပြုပြီးပါက ဆောက်လုပ်ရေးလုပ်ငန်းများ ဆောင်ရွက်ရာတွင် နိုင်ငံတော် ရန်ပုံငွေ မှလည်း သင့်တင့်သော အချိုးအစားထည့်ဝင်နိုင်ရေး ဆောင်ရွက်မည်ဖြစ်ကြောင်းသိရသည်။

           ကျွမ်းကျင်ပညာရှင်များက စစ်တွေ အထွေထွေ ရောဂါကု ဆေးရုံကြီး အဆင့်မြှင့်တင်ရေး ရေရှည်စီမံကိန်းကို ဆေးရုံကြီး၏ လက်ရှိဆောင်ရွက်နေသော လုပ်ငန်းများကို ထိခိုက်ခြင်းမရှိစေရန်၊သဘာဝဘေးအန္တရာယ်များ ဒဏ်ကို ခံနိုင်ရည်ရှိ၍ လုံခြုံဘေးကင်းပြီး ရေရှည်တည်တံ့စေရန်၊ပြည်သူလူထုအတွက်ကျန်းမာရေးဝန်ဆောင်မှု အမျိုးအစားအစုံအလင်ကို အဆင်ပြေ ချောမွေ့စွာပေးအပ်နိုင်မည့် ခေတ်မီ အခြေခံ အဆောက်အအုံဖြစ်စေရန်စသည့် အချက်များကို ထည့်သွင်းစဉ်းစားကာ ရေးဆွဲထားကြောင်းသိရသည်။စစ်တွေ အထွေထွေရောဂါကု ဆေးရုံကြီးကို အဆင့်မြှင့်တင်ခြင်းမှ တစ်ဆင့် တန်းတူညီမျှ လူတန်းစားမရွေးအားလုံးလက်လှမ်းမီနိုင်သော ကျန်းမာရေးစောင့်ရှောက်မှုကို ရရှိနိုင်မည်ဖြစ်ကြောင်း သိရသည်။

Source:Pyi Myanmar

Read 1074 times Last modified on Thursday, 06 September 2018 17:33
Rate this item
(0 votes)