ပိုင်ရိုက်သည့်ကုမ္ပဏီစည်ပင်အသိအမှတ်ပြုလိုင်စင် ထုတ်ပေးရန် အနည်းငယ်သာကျန်

ပိုင်ရိုက်သည့်ကုမ္ပဏီစည်ပင်အသိအမှတ်ပြုလိုင်စင် ထုတ်ပေးရန် အနည်းငယ်သာကျန်

အထပ်မြင့်အဆောက် အအုံများဆောက်လုပ်ရာတွင် လိုအပ်သည့် ပိုင်ရိုက်ခြင်းလုပ်ငန်းများအတွက် ရန်ကုန်မြို့တော်စည်ပင်အသိအမှတ်ပြုလိုင်စင်ထုတ်ပေးရန် ကုမ္ပဏီအနည်းငယ်သာကျန်ရှိတော့ကြောင်းသတင်းရရှိသည်။

 ဖေဖော်ဝါရီ ၂၉ က ပိုင်ရိုက်သည့်ကုမ္ပဏီ ၁၀ခုအား လိုင်စင် ထုတ်ပေးလိုက်ပြီဖြစ်သောကြောင့် စုစုပေါင်းလိုင်စင် ထုတ်ပေးလိုက်သည့် ကုမ္ပဏီ ၂၅ ခုအထိရှိသွားပြီဖြစ်သည်။

ထို့ ကြောင့် မြန်မာတစ်နိုင်ငံလုံးတွင်ပိုင်ရိုက်သည့် ကုမ္ပဏီ ၄၀နီးပါးရှိသောကြောင့် ထပ်မံပြီးလိုင်စင်ထုတ်ပေးရန် ကုမ္ပဏီအနည်းငယ်သာကျန်ရှိတော့သည်။

၂၀၁၆ ဇန်နဝါရီ ၁ ရက်မှ စတင်ပြီးဆောက်လုပ်ရေးလုပ်ငန်းလုပ်ကိုင်သည့် ကုမ္ပဏီများအနေဖြင့် စည်ပင်မှ ပိုင်ရိုက်ခြင်းလိုင်စင် ရရှိထားသည့် အဆိုပါ ကုမ္ပဏီများနှင့်သာလုပ်ကိုင်ဆောင်ရွက် ရတော့မည်ဖြစ်ကြောင်းသတ်မှတ်ထားသည်။

‘စာရင်းဇယားအချက်အလက် မမှန်မကန် တင်ပြလျှောက်ထားတဲ့ ကုမ္ပဏီတွေ၊ စက်ပစ္စည်းဝန်ထမ်းအင်အားမပြည့်စုံတဲ့ ကုမ္ပဏီတွေကိုအထပ်မြင့်ကော်မတီကပယ်ချပါတယ်။ သူတို့ဘက်ကပို့တာကို ကျွန်တော်တို့က ပြန်ခွင့်ပြုတာပါ’ဟုအင်ဂျင်နီယာနှင့် အဆောက်အအုံဌာနမှ တာဝန်ရှိသူတစ်ဦးကပြောကြားသည်။

ရန်ကုန်မြို့တွင် ပိုင်ရိုက် သည့် ကုမ္ပဏီ ၄၀ ကျော်ရှိပြီးအရည်အသွေးရှိသည့် ကုမ္ပဏီများကိုသာသေချာစိစစ်ကာဆက်လက်ခွင့်ပြုမည်ဖြစ်ကြောင်း အ ထပ်မြင့်အဆောက်အုံများစစ်ဆေးရေးကော်မတီကထုတ်ပြန် ထားသည်။ ထို့ကြောင့် ကုမ္ပဏီ ၂၅ ခုအားလိုင်စင်ထုတ်ပေးပြီးဖြစ်သောကြောင့် ထပ်မံပြီးလိုင်စင်ထုတ်ပေးရန် အနည်းငယ်သာကျန်ရှိတော့သည်။

ရန်ကုန်မြို့တော် စည်ပင် သာယာရေးကော်မတီကပိုင်ရိုက် သည့် လုပ်ငန်းများအားလိုင်စင် ထုတ်ပေးခြင်းအပြင် မြေသားများစမ်းသပ်သည့် Soil Test ကုမ္ပဏီများကိုလည်းလိုင်စင်ထုတ်ပေးထားသည်မှာကုမ္ပဏီ၁၆ခုအထိရှိသွားပြီဖြစ်သည်။

Read 1533 times Last modified on Wednesday, 29 August 2018 16:03
Rate this item
(1 Vote)