နောင်ယန်း-နောင်ဆိုင်ကျေးရွာချင်းဆက်လမ်း ဖောက်လုပ်မှု ရာနှုန်းပြည့်ပြီးစီး

နောင်ယန်း-နောင်ဆိုင်ကျေးရွာချင်းဆက်လမ်း ဖောက်လုပ်မှု ရာနှုန်းပြည့်ပြီးစီး

စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသ၊ ပန်ဆောင်မြို့၊ နောင်ယန်းကျေးရွာအုပ်စု၊ နောင်ဆိုင် ကျေးရွာတွင် ၂၀၁၉-၂၀၂၀ ဘဏ္ဍာနှစ် ဖြည့်စွက်ရန်ပုံငွေကျပ်သိန်း ၁၈၀ ဖြင့် ဖောက်လုပ်သော ကျေးရွာချင်းဆက်လမ်းမှာ ရာနှုန်းပြည့်ပြီးစီဖြစ်ကြောင်း သိရသည်။

 

အဆိုပါလမ်းကို နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဉီးစီးဌာန၏ ၂၀၁၉-၂၀၂၀ ဘဏ္ဍာနှစ် ဖြည့်စွက်ရန်ပုံငွေ ကျပ်သိန်း ၁၈၀ ဖြင့် ကူဝါတိုင်းယုံးကုမ္ပဏီက တာဝန်ယူ ဖောက်လုပ်ခဲ့ခြင်းဖြစ်ပြီး လမ်းအရှည် ၁ မိုင်၊ လမ်းအကျယ် ၁၂ ပေ၊ ဂျင်းကျောက်ထု ၆ လက်မ အပြင် လမ်းပုခုံးမြေသားဖို့ခြင်းနှင့် ရေနုတ်မြောင်း တူးဖော်ခြင်း လုပ်ငန်းများပါဝင်ပြီး လမ်းပုံစံအတိုင်း စနစ်တကျ ဖောက်လုပ်ထားကြောင်း ကုမ္ပဏီတာဝန်ခံ ဉီးမား(လ်)မတ်ဝမ်းစိန် ထံမှ သိရသည်။

 

အဆိုပါ ကျေးရွာချင်းဆက်လမ်းမှာ နောင်ယန်းကျေးရွာနှင့် နောင်ဆိုင်ကျေးရွာကို ဆက်သွယ်ထားသော ကျေးရွာ ချင်းဆက် ဂျင်းကျောက်လမ်းအမျိုးအစားဖြစ်ပြီး ယခုအခါ လမ်းဖောက်လုပ်မှု ရာနှုန်းပြည့် ပြီးစီးပြီဖြစ်၍ ကျေးရွာသူ/သား များ၏ ကျန်းမာရေး၊ ပညာရေး၊ စီးပွားရေး၊ လူမှုရေးစသည်တို့အပြင် ယင်းကျေးလက်ဒေသရှိ တောင်သူများ၏ လယ်ဧက ၂၀ဝ ကျော်ကို အကျိုးပြုနိုင်မည်ဖြစ်ပြီး အဆိုပါ လယ်များမှထွက်ရှိသော လယ်ယာထွက်ကုန်ပစ္စည်းများကိုယ်လည်း ကုန်ကျစရိတ် သက်သာစွာ နီးစပ်မြို့ရွာများသို့ အလွယ်တကူ သယ်ယူပို့ဆောင်နိုင်မည်ဖြစ်ကြောင်း နောင်ယန်းကျေးရွာအုပ်ချုပ် ရေးမှူး ဉီးထိုက်ရှမ်းထံမှ သိရသည်။

 

MDN

 

Myanmar Builder Guide 

Read 219 times Last modified on Friday, 13 November 2020 12:59
Rate this item
(0 votes)