အိမ်နှင့်မြေ သို့မဟုတ် မြေကွက်ဝယ်ယူရာတွင် ဝယ်ယူသူအနေဖြင့် အလေးအနက် ဂရုပြုသင့်သော အချက်များ

အိမ်နှင့်မြေ သို့မဟုတ် မြေကွက်ဝယ်ယူရာတွင် ဝယ်ယူသူအနေဖြင့် အလေးအနက် ဂရုပြုသင့်သော အချက်များ google

၁။ အိမ်နှင့်မြေ သို့မဟုတ် မြေကွက်ရောင်းချသူ၏ လက်ဝယ်၌ ပိုင်ဆိုင်မှုစာချုပ်စာတမ်းများ ပြည့်စုံမှု ရှိမရှိ သေသေချာချာ စေ့စေ့စပ်စပ် စိစစ်ရပါမည်။

 

- သိန်းပေါင်းရာချီ သို့မဟုတ် သိန်းပေါင်းထောင်ချီ တန်ဖိုးဖြင့် ရောင်းချသော အိမ်နှင့်မြေ သို့မဟုတ် မြေကွက်ကို ဝယ်ယူခြင်းဖြစ်ပါက စာချုပ်စာတမ်း မှတ်ပုံတင်ကိစ္စရပ်ကို ကောင်းစွာ နားလည်တတ်ကျွမ်း၍ အတွေ့အကြုံရှိသူ ရှေ့နေရှေ့ရပ်ကိုသာ ငှားရမ်း၍ တာဝန်ပေးဆောင်ရွက်စေသင့်ပါသည်။ အဘယ်ကြောင့်ဆိုသော် ရောင်းသူနှင့်ဝယ်သူတို့ အရောင်းအဝယ်ကိစ္စ ညှိနှိုင်း၍ ပြေလည်မှုရရှိပါက စရန်ပေးကတိစာချုပ် ရေးသားချုပ်ဆိုရာတွင် ပါဝင်ရမည့် ဝယ်သူအား အကာအကွယ်ပေးသည့် စည်းကမ်းချက်များ သို့မဟုတ် သတ်မှတ်ချက်များ ပြည့်ပြည့်စုံစုံ ပါရှိစေရမည့်အပြင်၊ မရွှေ့မပြောင်းနိုင်သည့် ပစ္စည်း လွှဲပြောင်းရယူမည့်နည်းလမ်း၊ မှတ်ပုံတင်ရုံးတွင် တင်ပြရမည့် စာချုပ်ကြီးကို ဥပဒေနှင့်အညီ ရေးသားတင်ပြရမည်ဖြစ်၍ သာမန်လူတစ်ဦးအား ဆောင်ရွက်စေပါက ပြီးပြည့်စုံမှုရှိနိုင်မည် မဟုတ်သဖြင့် နားလည်တတ် ကျွမ်းသော ရှေ့နေရှေ့ရပ်ကို အမှန်တကယ်ငှားရမ်းဆောင်ရွက်စေသင့်ပါသည်။

 

 

- ဝယ်ယူမည့်အိမ်နှင့်မြေ သို့မဟုတ် မြေကွက်တန်ဖိုးသည် သိန်းပေါင်းမြောက်များစွာ တန်ဖိုးရှိပြီး စာချုပ်စာတမ်း မှတ်ပုံတင်ခြင်း ကိစ္စရပ်တွင် ပြီးပြည့်စုံစွာ တတ်ကျွမ်းခြင်း မရှိသော လျှောက်လွှာစာရေး၊ စာချုပ်စာတမ်း အတွေ့အကြုံ အားနည်းသော ရှေ့နေရှေ့ရပ်ကို ငှားရမ်းဆောင်ရွက်စေမိပါက ဝယ်သူအနေဖြင့် နစ်နာမှုပေါ်ပေါက်ပါက ငွေကြေးဖြင့် ကုစား၍မရနိုင်သည့် နစ်နာဆုံးရှုံးမှု မျိုး ပေါ်ပေါက်လာနိုင်ကြောင်း အထူးသတိပြုသင့်ပါသည်။

 

 

- စာချုပ်စာတမ်းမှတ်ပုံတင်ကိစ္စ အမှန်တကယ် တတ်ကျွမ်းနားလည်သော ရှေ့နေရှေ့ရပ်တို့အနေဖြင့် ထိုက်တန်သော ဆောင်ရွက်ခ တောင်းခံရယူမည်ဖြစ်ပါသည်။ ချုပ်ဆိုရမည့် စာချုပ်စာတမ်းတို့ကိုလည်း ပြီးပြည့်စုံအောင် လည်း တာဝန်ယူဆောင်ရွက်ပေးလိမ့်မည်ဖြစ်ပါသည်။

 

 

၂။ အိမ်နှင့်မြေ သို့မဟုတ် မြေကွက်ရောင်းချလိုသူသည် ပိုင်ရှင်ကိုယ်တိုင်ဖြစ်ပါက ပိုင်ဆိုင်မှု မှတ်ပုံတင် စာချုပ်စာတမ်းများ (မူရင်း) ၊ မြေဂရန် (မူရင်း) နှင့် လွန်ခဲ့သော (၆) လအတွင်းက ရောင်းချရန် အလို့ငှာ တရားဝင်ကူးယူရရှိထားသော မြေပုံမြေရာဇဝင် (မူရင်း) တို့ကို တင်ပြနိုင်မှသာလျှင် ဝယ်သူအနေဖြင့် အရောင်းအဝယ်ကိစ္စ အလို့ငှာ ရောင်းသူနှင့် ညှိနှိုင်းဆွေးနွေးနိုင်မည်ဖြစ်ပါသည်။

 

 

၃။ လင်မယားနှစ်ဦး အမည်ပေါက်ပိုင်ဆိုင်သော အိမ်နှင့်မြေ၊ မြေကွက်ဖြစ်ပါက ရောင်းသူဘက်တွင် လင်မယား နှစ်ဦးစလုံး ပါဝင်လက်မှတ်ရေးထိုးရပါမည်။

 

 

- အကယ်၍ လင် သို့မဟုတ် မယားတစ်ဦးတည်း၏ အမည်ပေါက်ဖြစ်ပါက အမည်ပေါက်ပိုင်ဆိုင်သူက ရောင်းသူဘက်တွင် လက်မှတ်ရေးထိုး၍ ကျန်အမွေဆိုင် လင် သို့မဟုတ် မယားကို သက်သေအဖြစ် ပါဝင် လက်မှတ်ရေးထိုးစေသင့်ပါသည်။

 

 

- မြန်မာ့ဓလေ့ထုံးတမ်းဥပဒေအရ တရားဝင် လင်နှင့်မယား ဘဝအဖြစ်သို့ရောက်ရှိလာပါက လင်ပိုင် ပါရင်းပစ္စည်းတွင် မယားက ၁/၃ ပိုင်ဆိုင်ခွင့် အလိုအလျောက် (Vested right) ရရှိသဖြင့် လင်၏ပါရင်းပစ္စည်းကို မယားဖြစ်သူ သဘောမတူပါက လင်၏ သဘောတစ်ခုတည်းဖြင့် ဥပဒေအရ ရောင်းချနိုင်ခွင့် မရှိပါ။

 

 

- အလားတူပင် မယား၏ ပါရင်းပစ္စည်းတွင် လင်က ၁/၃ ပိုင်ဆိုင်ခွင့် အလိုအလျောက် (vested right) ရရှိလာသဖြင့် မယားတစ်ဦးတည်း အမည်ပေါက် ပိုင်ဆိုင်သော အိမ်နှင့်မြေ သို့မဟုတ် မြေကွက်ကို လင်၏သဘောတူညီချက်မရရှိပါက အမည်ပေါက်ပိုင်ဆိုင်သူ မယားသည် ဥပဒေအရ ရောင်းချနိုင်ခွင့်မရှိပါ။

 

 

-သို့ဖြစ်ရကား လင် သို့မဟုတ် မယား တစ်ဦးဦး၏ အမည်ပေါက် ပိုင်ဆိုင်သော အိမ်နှင့်မြေ သို့မဟုတ် မြေကွက်ကို ရောင်းချရာတွင် ကျန်အိမ်ထောင်ဘက်က ထိုသို့ရောင်းချခြင်းကို သဘောတူညီပါကြောင်း သို့မဟုတ် တရားရုံးတွင် ကတိသစ္စာပြုလွှာ ပြုလုပ်ခြင်းဖြင့်ဖြစ်စေ၊ ရောင်းချသည့် စရန်ပေးကတိစာချုပ်နှင့် မှတ်ပုံတင် စာချုပ်ကြီးတွင် သက်သေအဖြစ် ပါဝင်၍ လက်မှတ်ရေးထိုး စေသင့်ပါသည်။

 

 

-သို့မှသာ ဝယ်သူအနေဖြင့် နောင်ပေါ်ပေါက်လာမည့် အရှုပ်အရှင်းကို အကာအကွယ် ရရှိနိုင်မည် ဖြစ်ပါသည်။

 

 

စာညွှန်း- ဦးဗကြိုင်(ဘီအေ၊ ဘီအယ်လ်)၊ မရွှေ့မပြောင်းနိုင်သည့် အိမ်၊ ခြံ၊ မြေ၊ တိုက်ခန်း စသည်များ ရောင်းချခြင်း၊ ဝယ်ယူ၊ ငှားရမ်းခြင်းဆိုင်ရာ ဥပဒေသိမှတ်ဖွယ်ရာ၊ စာ- ၁၄

 

Source: DVB Law Lab

 

 

Myanmar Builders Guide

 

 

---Zawgyi---

 

 

အိမ္ႏွင့္ေျမ သို႔မဟုတ္ ေျမကြက္ဝယ္ယူရာတြင္ ဝယ္ယူသူအေနျဖင့္ အေလးအနက္ ဂ႐ုျပဳသင့္ေသာ အခ်က္မ်ား

 

 

၁။ အိမ္ႏွင့္ေျမ သို႔မဟုတ္ ေျမကြက္ေရာင္းခ်သူ၏ လက္ဝယ္၌ ပိုင္ဆိုင္မႈစာခ်ဳပ္စာတမ္းမ်ား ျပည့္စုံမႈ ရွိမရွိ ေသေသခ်ာခ်ာ ေစ့ေစ့စပ္စပ္ စိစစ္ရပါမည္။

 

 

- သိန္းေပါင္းရာခ်ီ သို႔မဟုတ္ သိန္းေပါင္းေထာင္ခ်ီ တန္ဖိုးျဖင့္ ေရာင္းခ်ေသာ အိမ္ႏွင့္ေျမ သို႔မဟုတ္ ေျမကြက္ကို ဝယ္ယူျခင္းျဖစ္ပါက စာခ်ဳပ္စာတမ္း မွတ္ပုံတင္ကိစၥရပ္ကို ေကာင္းစြာ နားလည္တတ္ကြၽမ္း၍ အေတြ႕အႀကဳံရွိသူ ေရွ႕ေနေရွ႕ရပ္ကိုသာ ငွားရမ္း၍ တာဝန္ေပးေဆာင္႐ြက္ေစသင့္ပါသည္။ အဘယ္ေၾကာင့္ဆိုေသာ္ ေရာင္းသူႏွင့္ဝယ္သူတို႔ အေရာင္းအဝယ္ကိစၥ ညႇိႏႈိင္း၍ ေျပလည္မႈရရွိပါက စရန္ေပးကတိစာခ်ဳပ္ ေရးသားခ်ဳပ္ဆိုရာတြင္ ပါဝင္ရမည့္ ဝယ္သူအား အကာအကြယ္ေပးသည့္ စည္းကမ္းခ်က္မ်ား သို႔မဟုတ္ သတ္မွတ္ခ်က္မ်ား ျပည့္ျပည့္စုံစုံ ပါရွိေစရမည့္အျပင္၊ မေ႐ႊ႕မေျပာင္းႏိုင္သည့္ ပစၥည္း လႊဲေျပာင္းရယူမည့္နည္းလမ္း၊ မွတ္ပုံတင္႐ုံးတြင္ တင္ျပရမည့္ စာခ်ဳပ္ႀကီးကို ဥပေဒႏွင့္အညီ ေရးသားတင္ျပရမည္ျဖစ္၍ သာမန္လူတစ္ဦးအား ေဆာင္႐ြက္ေစပါက ၿပီးျပည့္စုံမႈရွိႏိုင္မည္ မဟုတ္သျဖင့္ နားလည္တတ္ ကြၽမ္းေသာ ေရွ႕ေနေရွ႕ရပ္ကို အမွန္တကယ္ငွားရမ္းေဆာင္႐ြက္ေစသင့္ပါသည္။

 

 

- ဝယ္ယူမည့္အိမ္ႏွင့္ေျမ သို႔မဟုတ္ ေျမကြက္တန္ဖိုးသည္ သိန္းေပါင္းေျမာက္မ်ားစြာ တန္ဖိုးရွိၿပီး စာခ်ဳပ္စာတမ္း မွတ္ပုံတင္ျခင္း ကိစၥရပ္တြင္ ၿပီးျပည့္စုံစြာ တတ္ကြၽမ္းျခင္း မရွိေသာ ေလွ်ာက္လႊာစာေရး၊ စာခ်ဳပ္စာတမ္း အေတြ႕အႀကဳံ အားနည္းေသာ ေရွ႕ေနေရွ႕ရပ္ကို ငွားရမ္းေဆာင္႐ြက္ေစမိပါက ဝယ္သူအေနျဖင့္ နစ္နာမႈေပၚေပါက္ပါက ေငြေၾကးျဖင့္ ကုစား၍မရႏိုင္သည့္ နစ္နာဆုံးရႈံးမႈ မ်ိဳး ေပၚေပါက္လာႏိုင္ေၾကာင္း အထူးသတိျပဳသင့္ပါသည္။

 

 

- စာခ်ဳပ္စာတမ္းမွတ္ပုံတင္ကိစၥ အမွန္တကယ္ တတ္ကြၽမ္းနားလည္ေသာ ေရွ႕ေနေရွ႕ရပ္တို႔အေနျဖင့္ ထိုက္တန္ေသာ ေဆာင္႐ြက္ခ ေတာင္းခံရယူမည္ျဖစ္ပါသည္။ ခ်ဳပ္ဆိုရမည့္ စာခ်ဳပ္စာတမ္းတို႔ကိုလည္း ၿပီးျပည့္စုံေအာင္ လည္း တာဝန္ယူေဆာင္႐ြက္ေပးလိမ့္မည္ျဖစ္ပါသည္။

 

 

၂။ အိမ္ႏွင့္ေျမ သို႔မဟုတ္ ေျမကြက္ေရာင္းခ်လိုသူသည္ ပိုင္ရွင္ကိုယ္တိုင္ျဖစ္ပါက ပိုင္ဆိုင္မႈ မွတ္ပုံတင္ စာခ်ဳပ္စာတမ္းမ်ား (မူရင္း) ၊ ေျမဂရန္ (မူရင္း) ႏွင့္ လြန္ခဲ့ေသာ (၆) လအတြင္းက ေရာင္းခ်ရန္ အလို႔ငွာ တရားဝင္ကူးယူရရွိထားေသာ ေျမပုံေျမရာဇဝင္ (မူရင္း) တို႔ကို တင္ျပႏိုင္မွသာလွ်င္ ဝယ္သူအေနျဖင့္ အေရာင္းအဝယ္ကိစၥ အလို႔ငွာ ေရာင္းသူႏွင့္ ညႇိႏႈိင္းေဆြးေႏြးႏိုင္မည္ျဖစ္ပါသည္။

 

 

၃။ လင္မယားႏွစ္ဦး အမည္ေပါက္ပိုင္ဆိုင္ေသာ အိမ္ႏွင့္ေျမ၊ ေျမကြက္ျဖစ္ပါက ေရာင္းသူဘက္တြင္ လင္မယား ႏွစ္ဦးစလုံး ပါဝင္လက္မွတ္ေရးထိုးရပါမည္။

 

 

- အကယ္၍ လင္ သို႔မဟုတ္ မယားတစ္ဦးတည္း၏ အမည္ေပါက္ျဖစ္ပါက အမည္ေပါက္ပိုင္ဆိုင္သူက ေရာင္းသူဘက္တြင္ လက္မွတ္ေရးထိုး၍ က်န္အေမြဆိုင္ လင္ သို႔မဟုတ္ မယားကို သက္ေသအျဖစ္ ပါဝင္ လက္မွတ္ေရးထိုးေစသင့္ပါသည္။

 

 

- ျမန္မာ့ဓေလ့ထုံးတမ္းဥပေဒအရ တရားဝင္ လင္ႏွင့္မယား ဘဝအျဖစ္သို႔ေရာက္ရွိလာပါက လင္ပိုင္ ပါရင္းပစၥည္းတြင္ မယားက ၁/၃ ပိုင္ဆိုင္ခြင့္ အလိုအေလ်ာက္ (Vested right) ရရွိသျဖင့္ လင္၏ပါရင္းပစၥည္းကို မယားျဖစ္သူ သေဘာမတူပါက လင္၏ သေဘာတစ္ခုတည္းျဖင့္ ဥပေဒအရ ေရာင္းခ်ႏိုင္ခြင့္ မရွိပါ။

 

 

- အလားတူပင္ မယား၏ ပါရင္းပစၥည္းတြင္ လင္က ၁/၃ ပိုင္ဆိုင္ခြင့္ အလိုအေလ်ာက္ (vested right) ရရွိလာသျဖင့္ မယားတစ္ဦးတည္း အမည္ေပါက္ ပိုင္ဆိုင္ေသာ အိမ္ႏွင့္ေျမ သို႔မဟုတ္ ေျမကြက္ကို လင္၏သေဘာတူညီခ်က္မရရွိပါက အမည္ေပါက္ပိုင္ဆိုင္သူ မယားသည္ ဥပေဒအရ ေရာင္းခ်ႏိုင္ခြင့္မရွိပါ။

 

 

-သို႔ျဖစ္ရကား လင္ သို႔မဟုတ္ မယား တစ္ဦးဦး၏ အမည္ေပါက္ ပိုင္ဆိုင္ေသာ အိမ္ႏွင့္ေျမ သို႔မဟုတ္ ေျမကြက္ကို ေရာင္းခ်ရာတြင္ က်န္အိမ္ေထာင္ဘက္က ထိုသို႔ေရာင္းခ်ျခင္းကို သေဘာတူညီပါေၾကာင္း သို႔မဟုတ္ တရား႐ုံးတြင္ ကတိသစၥာျပဳလႊာ ျပဳလုပ္ျခင္းျဖင့္ျဖစ္ေစ၊ ေရာင္းခ်သည့္ စရန္ေပးကတိစာခ်ဳပ္ႏွင့္ မွတ္ပုံတင္ စာခ်ဳပ္ႀကီးတြင္ သက္ေသအျဖစ္ ပါဝင္၍ လက္မွတ္ေရးထိုး ေစသင့္ပါသည္။

 

 

-သို႔မွသာ ဝယ္သူအေနျဖင့္ ေနာင္ေပၚေပါက္လာမည့္ အရႈပ္အရွင္းကို အကာအကြယ္ ရရွိႏိုင္မည္ ျဖစ္ပါသည္။

 

 

စာၫႊန္း- ဦးဗႀကိဳင္(ဘီေအ၊ ဘီအယ္လ္)၊ မေ႐ႊ႕မေျပာင္းႏိုင္သည့္ အိမ္၊ ၿခံ၊ ေျမ၊ တိုက္ခန္း စသည္မ်ား ေရာင္းခ်ျခင္း၊ ဝယ္ယူ၊ ငွားရမ္းျခင္းဆိုင္ရာ ဥပေဒသိမွတ္ဖြယ္ရာ၊ စာ- ၁၄

 

 

Source: DVB Law Lab

Read 380 times Last modified on Monday, 03 February 2020 16:21
Rate this item
(0 votes)
Tagged under